Tono Campos e José Manuel Sánchez revalidan o seu título de campións europeos de piragüismo maratón
Por Redacción
O Campionato de Europa de Piragüismo Maratón celebrado na localidade portuguesa de Ponte de Lima pechouse este domingo con tres medallas para a delegación pontevedresa.
A máis importante, a de ouro, foi para Tono Campos e José Manue Sánchez (Breogán do Grove) no C-2, revalindo o título que conseguiron hai un ano en Pontevedra,
É a segunda medalla da competición para Tono Campos, tras a prata na canoa individual, despois dun man a man co húngaros Marton Kover e Adam Docze. Ambas as embarcacións lideraron a proba desde o inicio sen dar opcións ao resto de rivais.
Non puideron estar na cabeza o pontevedrés Óscar Graña e o arousán Ramón Ferro (Kayak Tudense) polos problemas ocasionados por un choque coa embarcación checa, que lles fixo saltarse a primeira aboia e realizar un traxecto extra para volver pasar polo lugar correcto.
Todo se decidiu nos últimos metros, levándose o ouro Campos e Sánchez por diante dos húngaros, mentres Óscar Graña e Ramón Ferro entraba máis afastados na terceira posición para facerse co bronce nunha dura loita cos polacos Mateusz Borgiel e Patryk Gluza.
Tamén houbo medalla no K-2 para o pontevedrés Álvaro Fernández Fiuza no K-2, despois dunha gran remontada para conseguir a prata, pero penalizados polos problemas do seu compañeiro, o asturiano Walter Bouzán ao romper a pa preto dun porteo e ter que continuar sen estar en óptimas condicións. Aínda así se repuxeron e enlazaron co trío de cabeza e quedaron a só dous segundos do ouro dos húngaros Adrián Boros e Laszlo Solti.
Relacionadas:
-
A elite do piragüismo maratón nacional cítase no río Lérez
Por Redacción |
-
O Celta homenaxea aos piragüistas pontevedreses de maratón
Por Redacción |
-
Os incansables Óscar Graña e Ramón Ferro, prata no Mundial de Sudáfrica
Por Redacción |
-
A armada pontevedresa de piragüismo maratón, lista para o Mundial de Sudáfrica
Por Redacción |
-
Diego Romero e Adrián Sieiro, protagonistas no inicio do Nacional de piragüismo
Por Redacción |
-
A elite do piragüismo nacional reúnese durante tres días en Verducido
Por Diego Espiño |
-
Tono Campos e Jenifer Casal, primeiras medallas pontevedresas no Europeo de piragüismo maratón
Por Redacción |
-
O Europeo de Maratón en Portugal, reto para o piragüismo pontevedrés
Por Redacción |
-
Óscar Graña e Ramón Ferro agrandan a súa lenda co seu décimo título nacional de piragüismo maratón
Por Redacción |
-
Tono Campos e Jenifer Casal, campións de España de piragüismo maratón
Por Alejandro Espiño |