Arantxa Mallou seguirá unha tempada máis no Arxil
Por Redacción
Segunda renovación no Club Baloncesto Arxil, que confirmou a continuidade dunha da xogadoras chamadas a ser unha das referencias do novo proxecto do equipo na Liga Feminina 2, Arantxa Mallou.
A escolta compostela seguirá un ano máis ligada ao club pontevedrés, ao que chegou mediada a tempada recentemente finalizada procedente do Lousada portugués.
Desde a súa chegada, cando as verdes atravesaban unha xeira negativa de xogo e resultados, contou con protagonismo na rotación de Mayte Méndez e relanzou as aspiracións do Arxil, que terminou pelexando ata a última da competición regular por disputar o play-off de ascenso.
Mallou alcanzou nos 12 partidos de liga que disputou 10,1 puntos e 6 rebotes, con máis de 34 minutos de media na cancha en cada un deles.
A súa continuidade era unha das prioridades da directiva, á espera de poder pechar a fichaxe dunha pívot que marque diferenzas e de seguir coas renovacións, xa que polo momento só Carla Fernández e a propia Arantxa Mallou pecharon a súa continuidade no equipo.
Relacionadas:
-
O Arxil cumpre cos requisitos da FEB e inscríbese en Liga Feminina 2
Por Redacción |
-
O Arxil renuncia ao ascenso do seu filial a Primeira Nacional
Por Redacción |
-
Renovación no Arxil, que acorda a continuidade de Cristina Díaz-Pache
Por Redacción |
-
María Lago renova e cumprirá o seu sétimo ano no Arxil
Por Redacción |
-
A pívot colombiana Tatiana Mosquera ficha polo Arxil
Por Redacción |
-
Carla Fernández, primeira renovación no Arxil
Por Redacción |
-
Mayte Méndez seguirá outro ano máis á fronte do Arxil
Por Redacción |
-
Minata Keita non continuará no Arxil
Por Redacción |