Martín Lestido prolonga o seu bo momento cun terceiro posto na Vuelta a Alicante
Por Redacción
Segue en gran estado de forma Martín Lestido, tal e como demostrou o ciclista do Grupo Deportivo Supermercados Froiz na Vuelta a Alicante.
Se hai unha semana impúxose na Volta a Coruña, Lestido volveu pisar o podio o Alacante, aínda que nesta ocasión no terceiro chanzo.
Foi unha carreira de dúas etapas caracterizadas pola dureza e o vento nalgunhas fases, e que se decidiu pola suma de postos entre os catro primeiros clasificados, empatados a tempo na clasificación xeral.
Martín Lestido foi terceiro no sprint da primeira etapa, na que gañou o colombiano Johnatan Cañaveral (Gsport Valencia), ao cabo vencedor tamén da Vuelta. Xa na segunda e última etapa o corredor do Froiz entrou en meta na décima posición, nunha xornada na que Francisco García (Gsport Valencia) chegou a meta con só 8 segundos de vantaxe sobre o grupo principal.
Segundo na xeral foi Carlos Cobo (Caja Rural), mentres o Froiz finalizou tamén na terceira posición da clasificación por equipos.
Relacionadas:
-
O Froiz, co Campionato de España entre cella e cella
Por Redacción |
-
Pontevedra pon en xogo o Campionato Galego de Ciclismo Elite e Sub-23
Por Redacción |
-
O Froiz volve á competición en Alacante
Por Redacción |
-
Martín Lestido dálle ao Froiz unha nova Volta a Coruña
Por Redacción |
-
Martín Bouzas e Guillermo García, nomes destacados do Campionato Galego Contrarreloxo
Por Redacción |