Os penaltis deixan sen título a Tere Abelleira no Europeo Sub-17 de seleccións
Por Redacción
Ás portas de lograr o título continental quedou Teresa Abelleira na final do Campionato de Europa Sub-17 de seleccións disputada este domingo na localidade checa de Pilsen.
A futbolista pontevedresa volveu ser titular no equipo español, que cedeu na quenda de penaltis ante a súa besta negra, Alemaña, despois dun partido que concluíu con empate sen goles.
A mala sorte foi dobre para Abelleira, que se retirou lesionada despois de sufrir unha dura entrada dunha xogadora alemá antes do descanso.
España foi mellor que o seu rival, dominando o xogo e a posesión a pesar das complicadas condicións do terreo de xogo por mor da choiva. Con todo o combinado nacional perdoou as súas ocasións e foi castigado na lotería dos lanzamentos de penalti, na que só anotaron un tanto polos tres do seu rival.
Con todo o balance do campionato debe ser positivo para a Selección e en particular para Teresa Abelleira, consolidada no equipo nacional ao xogar todos os partidos de titular salvo un, na primeira fase ante Francia, no que descansou por problemas físicos.
Relacionadas:
-
Teresa Abelleira, flamante campioa de Europa coa Selección Española Sub-19
Por Redacción |
-
Teresa Abelleira pon rumbo ao Europeo Sub-19 coa Selección Española
Por Redacción |
-
Tere Abelleira consolídase na Selección Española Sub-19
Por Redacción |
-
Protagonismo de Teresa Abelleira na V Gala do Fútbol Feminino Galego
Por Redacción |
-
Tere Abelleira clasifícase coa Selección Española para a final do Europeo Sub-17
Por Redacción |
-
Tere Abelleira estará na fase final do Europeo Sub-17 coa Selección Española
Por Redacción |
-
Teresa Abelleira asina o primeiro contrato profesional do fútbol feminino galego
Por Redacción |