Johnny Medina pasa revista en Barcelona tras a súa operación de xeonllo
Por Redacción
Xa queda menos para que Johnny Medina poida volver vestir a camiseta da Sociedad Deportiva Teucro, algo que fará na Liga Asobal tras o ascenso do equipo pontevedrés e a súa renovación por unha campaña máis.
O pivote brasileiro, lesionado de gravidade o pasado 11 de marzo no encontro ante o Gijón Jovellanos, foi operado o 21 de abril dunha rotura do ligamento cruzado do seu xeonllo e agora conseguiu o visto e prace dos médicos para comezar coa rehabilitación.
Medina desprazouse ata Barcelona para pasar a primeira consulta tras a operación co equipo médico que lle interveu, a cargo do doutor Erquicia, quen valorou positivamente a evolución do xeonllo.
Agora o xogador teucrista, que dentro dun mes se someterá a novas probas de control, empeza a contar os días para a súa volta ás pistas de xogo, algo que se se cumpren os prazos poderíase producir a finais do mes de outubro, cando se cumpran seis meses da súa operación.
Será un longo camiño que ten recompensa, gozar a próxima tempada xogando na máxima categoría do balonmán nacional.
Relacionadas:
-
Saúl Campo, primeira baixa confirmada no Teucro para o regreso a la Liga Asobal
Por Diego Espiño |
-
A Deputación ofrece o seu apoio ao Teucro tras o ascenso a Asobal
Por Diego Espiño |
-
A festa dos campións queda rubricada con triunfo do Teucro sobre Handbol Bordils (26-20)
Por Ramiro Espiño & Alba Sotelo |
-
Último esforzo da tempada para Teucro e Cisne
Por Redacción |
-
Recoñecemento municipal ao Teucro porque "é importante para Pontevedra ter un equipo en Asobal"
Por Diego Espiño |
-
Así será a festa que prepara o Teucro no Municipal para celebrar o seu ascenso a Asobal
Por Diego Espiño |
-
O Teucro rubrica título en Palma del Río (27-27) nun partido tolo
Por Redacción |
-
A festa polo ascenso do Teucro, no último partido de liga
Por Diego Espiño |
-
Asobal e Teucro reencóntranse!
Por Ramiro Espiño & Diego Torrado |
-
Medina ten roto o ligamento cruzado do seu xeonllo e di adeus á tempada
Por Diego Espiño |