A segunda experiencia solidaria da Escola Xadrez Pontevedra en Xordania chega ao seu fin
Por Redacción
"Saber que eles talvez sigan aí por moito tempo (oxalá que non), nos entristece á vez que nos motiva a seguir mantendo este proxecto con máis forza que nunca". Con estas verbas explica a expedición da Escola Xadrez Pontevedra a súa segunda experiencia solidaria en Xordania.
O club pontevedrés puxo este domingo fin á súa estancia no campamento de refuxiados sirios de Azraq, onde colaboraron no mantemento dunha escola de xadrez.
Durante 11 días a expedición da Escola Xadrez Pontevedra colaborou en diferentes talleres, nos que por exemplo os nenos e nenas do campamento puideron pintar taboleiros e elaborar fichas para levar o seu primeiro xogo de xadrez e poder practicar en calquera momento. Tamén aprenderon como unha persoa con deficiencia visual pode xogar con taboleiros adaptados.
Ademais, dentro do proxecto puxeron en marcha a través da plataforma Playchess, unha aula virtual desde a que os alumnos poden xogar ao xadrez contra calquera afeccionado do mundo, e ofreceron formación a monitores para que poidan continuar coa escola.
Nesta segunda viaxe a Xordania, a Escola Xadrez Pontevedra tivo a oportunidade de traballar con UNICEF, ao que se entregou o material de xadrez doado polos pontevedreses coa idea de que poidan poñer en marcha un servizo de préstamos. Tamén se lles fixo chegar o material escolar resultado da campaña "Un lapis, unha goma, unha cor, igual a un sorriso" que se realizou nos colexios de Pontevedra.
Toda unha experiencia para a delegación pontevedresa, disposta a continuar co proxecto o tempo que sexa necesario, aínda que confiando en que pronto poida chegarse a unha solución para todos os refuxiados.
Relacionadas:
-
A Escola de Xadrez volve a Xordania para axudar a máis de 900 nenos refuxiados
Por Noelia Torres Pintos |
-
'Tormenta' de xadrez na Praza de España
Por Redacción & Mónica Patxot |
-
O xadrez toma a Praza de España
Por Redacción |
-
O xadrez súmase á celebración do Día das Letras Galegas
Por Diego Torrado |
-
VÍDEO.- "Orgullosos" do labor solidario da Escola Xadrez Pontevedra en Xordania
Por Diego Espiño & Mónica Patxot |
-
O xadrez pontevedrés pon en xaque a difícil situación dos refuxiados de Azraq
Por Luca Yohan Silva Lamy |
-
A Escola Xadrez Pontevedra pide axuda para manter o seu proxecto solidario en Xordania
Por Redacción |