Cita co "evento de lucha más importante de España" no Pavillón Municipal
Por Diego Espiño
O Pavillón Municipal dos Deportes de Pontevedra vivirá o vindeiro sábado 25 de marzo unha intensa xornada coa celebración do Campionato de España Absoluto e Cadete de Loitas Olímpicas.
Ao redor de 600 deportistas daranse cita no "evento de lucha más importante que se puede celebrar en España", sinalou na súa presentación o presidente da Federación Galega de Loita, José Luis Olazábal.
Ben cedo, ás 9:00 horas, dará comezo a xornada coa competición cadete, mentres o torneo senior arrincará ás 12:30 horas continuando sen pausa ata aproximadamente as 18:30 horas. Todo iso con entrada de balde para o público.
Galicia estará ben representada na cita con "unha selección joven", sinalou Marcos Miragaya, representante ademais dun Club de Loita Pontevedra que presenta a dous deportistas que "están trabajando muy bien y son candidatos a todo", como son Lydia Pérez e Pablo García.
No Municipal instalaranse ata catro tapices de competición, que contarán cunha iluminación específica posible tras a recente reforma nas instalacións.
PONTEVEDRA, CANDIDATA OFICIAL AO EUROPEO JUNIOR
Na presentación do Campionato de España o presidente da Federación Galega recoñeceu que Pontevedra é xa candidata oficial a acoller o Campionato de Europa Junior de Loita en 2019, despois do interese mostrado polo alcalde no principio do ano.
"Creo que tenemos muchísimas posibilidades y tanto la Federación Galega como la Española vamos a dejarnos la piel en ello", sinalou Olazábal.
O Europeo junior supoñería "una semana completa de competición y congregar a unas 5.000 personas", explicou nun acto no que tamén estaba presente a concelleira de Deportes, Anxos Riveiro.
Pontevedra pugnará por ser a sede do campionato con outra cidade, a localidade polaca de Bydgoszcz.
Relacionadas:
-
Lydia Pérez, profeta na súa terra: campioa de España de loita en Pontevedra
Por Alejandro Espiño & Diego Torrado |
-
Pontevedra postúlase como candidata a acoller en 2019 o Europeo Junior de Loitas Olímpicas
Por Diego Espiño |
-
Dobre medalla de ouro para Lydia Pérez na primeira gran competición da tempada
Por Redacción |
-
Conceden a Pontevedra a organización do Campionato de España de Loitas Olímpicas
Por Diego Espiño |