O Cisne visita ao Covadonga sen Chapela pero con ganas de "dar con la tecla" fóra da casa
Por Diego Espiño
A só sete xornadas para o final da liga regular na División de Honra Prata de balonmán calquera punto conta, e por iso o Cisne, a só dous puntos do play-off de ascenso é consciente de que "si queremos estar arriba tenemos que ganar ya fuera de casa".
Así o recoñece o técnico do equipo, Jabato, que espera "dar con la tecla" no que foi o punto débil do equipo ao longo da tempada, os partidos lonxe de Pontevedra.
Non será en todo caso unha saída sinxela a que debe afrontar, xa que este sábado (16:45 horas) visita a cancha do Grupo Covadonga asturiano, equipo que conta con só dous puntos menos que os pontevedreses e que "seguramente tamén quere aspirar ao play-off", sinala en adestrador cineísta.
A clave para Jabato será minimizar "nuestros errores" e eses "10 o 15 minutos de apagón que a veces sufrimos", pero o equipo atópase motivado e con ganas de demostrar o seu potencial, recoñece.
Non estará en Xixón David Chapela, que perderá o seu segundo partido consecutivo por un problema ocular, pero será a única baixa dun equipo que quere seguir soñando en grande.
Os colexiados do encontro serán o andaluz Peris Orts e o manchego Mohedano Fernández.
Relacionadas:
-
Apurado triunfo do Cisne sobre BMC Carabanchel (25-23) para manterse na loita polo play-off
Por Ramiro Espiño & Diego Torrado |
-
Un mal inicio do segundo tempo bota por terra o traballo do Cisne ante o Grupo Covadonga (30-23)
Por Redacción |
-
Vibrante #DerbiDoLérez que puido gañar calquera e termina con xusto empate entre Cisne e Teucro (28-28)
Por Ramiro Espiño & Diego Torrado |