Xornada importante e dura proba para o Arxil, que recibe ao líder da liga
Por Redacción
A falta de cinco partidos para o final da competición regular na Liga Feminina 2 de baloncesto, o Arxil xógase este sábado gran parte das súas opcións de xogar a fase de ascenso.
Metido de cheo na pelexa pola cuarta praza, agora a un só triunfo de distancia, o equipo pontevedrés afronta unha xornada clave á vez complicada.
As verdes reciben no pavillón do Centro Galego de Tecnificación Deportiva (sábado, 19:30 horas), ao intratable líder da competición, o Aros León, equipo xa clasificado matematicamente para o play-off. Este partido coincide con enfrontamentos directos entre o resto de rivais, cun Celta-Joventut Les Corts ou un Lima Horta-Ibaizábal.
En canto ao Aros, o conxunto leonés levou unha traxectoria inmaculada na competición ata as últimas semanas, cando co billete para a fase de ascenso encamiñado perdeu os seus dous únicos partidos de toda a tempada, ambos lonxe da súa pista ante Sant Adriá e Ensino. A iso agárrase o Arxil, que pediu o apoio da súa afección ante tan importante cita.
Mayte Méndez contará coa baixa de María Centeno por lesión, e ademais Ana Román e Ana Martín arrastran problemas físicos, aínda que se espera que poidan participar no encontro.
Relacionadas:
-
O Arxil afástase do seu soño ao caer fronte ao Segle XXI (77-67) vítima dun mal segundo cuarto
Por Redacción |
-
O Arxil cre, vence o líder (69-65) e mira cara o play-off
Por Redacción |
-
Derrota do Arxil na cancha do Ibaizabal vítima dun mal segundo cuarto (69-66)
Por Redacción |
-
O filial do Arxil xogará polo ascenso de categoría
Por Redacción |
-
Arxil e Cortegada disputan un derbi intenso que reengancha ás verdes (55-52)
Por Redacción |