A Subida a Ponte Caldelas terá segunda edición en agosto
Por Redacción
Despois do éxito da súa primeira edición, con máis de 7.000 espectadores entre os dous días de competición, Ponte Caldelas apostará por darlle continuidade á súa Subida Automobilística.
A proba, incluída dentro do Campionato Galego de Rally de Montaña, celebrarase os días 12 e 13 de agosto en Laxoso, adiantando unha semana a data con respecto á súa primeira edición.
É polo menos a intención da organización, a cargo da Escudería Buxa Motor, que se reuniu con responsables municipais para empezar a preparar a cita e que pretende repetir o circuíto de 3,7 quilómetros desde Laxoso, na estrada PO-234.
Incluiranse só pequenas modificacións en zonas como a saída, ampliando a zona de concentración e boxes ao esperar unha participación de máis de medio cento de pilotos
En todo caso, pensando en que a Xunta poida iniciar a demandada reforma da PO-234 "xa temos unha alternativa prevista" para que a subida se poida celebrar igualmente, confirmou o alcalde Andrés Díaz.
Relacionadas:
-
Alexis Viéitez repite triunfo na Subida a Ponte Caldelas
Por Redacción & Diego Torrado |
-
Alexis Viéitez, Nonito Gómez e Manuel Senra, principais atractivos da Subida a Ponte Caldelas
Por Redacción |
-
Cita para os afeccionados ao motor coa XX edición da Subida Cidade de Pontevedra
Por Diego Espiño |
-
Desde Ponte Caldelas ata o Campionato de España de Rallyes
Por Redacción |
-
Alexis Viéitez, vencedor da I Subida a Ponte Caldelas
Por Redacción |
-
Ponte Caldelas estrea subida automobilística
Por Diego Torrado |