O "equipo revelación" da liga examina a melloría e as aspiracións do Arxil
Por Redacción
O Club Baloncesto Arxil quere confirmar as boas sensacións deixadas polo equipo na última xornada de liga, ante o ADBA Avilés, e deixar atrás definitivamente os problemas que lastraron o seu rendimineto nos últimos meses, entre lesións e a inesperada saída de Waleska Pérez.
Agora, recuperado no anímico, o equipo adestrado por Mayte Méndez atópase a tres vitorias da zona de play-off, pero na próxima xornada ten unha gran opción de recortar distancias e demostrar que non se deu por vencido esta tempada.
As verdes reciben no Centro Galego de Tecnificación Deportiva, nun día e hora pouco habitual (domingo, 12:00 horas), ao Joventut Les Corts, "equipo revelación" esta tempada, segundo sinalan desde o club pontevedrés, que marcha na terceira praza.
Un triunfo permitiría ao Arxil poñerse a dous do play-off e gañar o average ao cadro catalán, ao que xa venceron no encontro de ida. Ademais poderían recortar a distancia con outros rivais ante a difícil saída do Cortegada á pista do Sant Adriá, segundo clasificado.
Para este choque Mayte Méndez só contará cunha baixa, a de María Centeno por lesión, pero poderá contar co resto do plantel á súa disposición, incluída a recentemente chegada Arantxa Mallou que disputará así o seu segundo partido coa camiseta verde.
Relacionadas:
-
O Arxil supera o pechacancelas Ponce Valladolid (62-58) para situarse en zona de play-off
Por Redacción & Diego Torrado |
-
Un triplo de Minata Keita na prórroga permite ao Arxil superar a Joventut Les Corts (66-64)
Por Redacción |
-
O Arxil recupera as boas sensacións para superar con claridade ao ADBA Avilés (80-58)
Por Redacción |
-
A escolta compostelá Arantxa Mallou incorpórase ao Arxil
Por Redacción |