O Marcón colle velocidade de cruceiro e o Pontevedra B logra o seu segundo triunfo consecutivo
Por Redacción
Cuarta vitoria consecutiva do Marcón Atlético na Primeira Rexional que lle serve para recortar tres puntos ao líder e para asentarse, máis se cabe, na segunda posición.
Os de Luís Oliveira venceron no Carrasco ao San Martín (1-0), nun duelo intenso.
Valiñas aos 24 minutos logrou o único tanto do encontro. Tivo algunha ocasión para aumentar o cadro local, pero tirou de oficio para non pasar excesivos apuros e polo menos manter a renda facéndose co triunfo.
Coa vitoria o Marcón ponse con 35 puntos, 4 menos que o líder Beluso e un máis que o seu inmediato perseguidor, o Chain.
Consulta o acta do Marcón Atlético-San Martín.
Xa se fai notar o efecto Tonete no Pontevedra B. O filial empeza a coller o ritmo da competición e achégase aos postos de permanencia ao lograr o seu segundo triunfo consecutivo.
Os pontevedreses venceron ao Campo Lameiro (2-0) no campo de Príncipe Felipe nun encontro que se decidiu na segunda metade.
Iago, no minuto 52, e Ramón no 80 lograron os goles que fan respirar aos granates, que se situan na décimo sexta praza con 19 puntos.
Relacionadas:
-
Xornada de empates para Marcón e Pontevedra B
Por Redacción |
-
A directiva do Marcón ameaza con dimitir en bloque ao sentirse como cabeza de turco da Federación
Por Diego Espiño |
-
Un partido a porta pechada e multa económica ao Marcón por insultos racistas dalgúns dos seus afeccionados
Por Redacción |
-
Marcón e Pontevedra B empezan o ano gañando
Por Redacción |