Tubo e Cristóbal Juncal retíranse do adestramento e convértense en dúbida para Somozas
Por Diego Espiño
Unha semana máis os problemas físicos de varios futbolistas son a maior preocupación de Milo Abelleira, que viu como Cristóbal Juncal e Tubo tiveron que abandonar prematuramente a sesión de adestramento deste mércores en Príncipe Felipe.
O primeiro en facer saltar as alarmas foi Tubo, despois de sentir dor na parte posterior da perna mentres realizaba unha carreira. O centrocampista retirouse do campo para ser tratado pola fisioterapeuta do club, Nerea Videira, que confirmou que o futbolista sofre unha sobrecarga nos isquitibiales da súa perna esquerda. A pesar de todo, Nerea mostrouse optimista en recuperar ao xogador para o importante partido do domingo en Somozas.
Nunha situación similar á de Tubo, que deberá esperar á evolución dos próximos días, encóntrase Cristóbal Juncal, que nunha acción fortuíta recibiu un golpe no tibial anterior da súa perna esquerda e tamén tivo que abandonar o adestramento. Cristóbal arrastra ademais dor no nocello dende o partido de Vilalba.
O que non mellora é o capitán granate, Caco, que se exercitou á marxe e evoluciona moi lentamente das súas molestias musculares. A súa participación o domingo está practicamente descartada, uníndose no capítulo de baixas ao lesionado Fran Fandiño, que se recupera da súa operación de pube.