Case 2.000 inscritos para un Medio Maratón de Pontevedra que volve ser de record
Por Redacción
É unha constante nos últimos anos, nos que cada edición supón un record de participantes, e a próxima, prevista para este domingo 16 de outubro, non será menos.
O XXI Medio Maratón de Pontevedra pulverizou a súa cifra máxima de inscritos unha vez pechado o prazo habilitado pola Sociedad Gimnástica.
En total, entre os anotados só para esta carreira, para todo o Circuíto de Carreiras Populares e para o Campionato de Galicia da distancia, inscribíronse 1.987 atletas, o que supón un incremento do 14% con respecto ao pasado ano (1.734).
En 2015 foron finalmente 1.521 os que tomaron a saída, e aínda que se espera que non todos os anotados acaben participando, o record parece unha vez máis asegurado.
De todos os inscritos, 400 atletas serás os que competirán polo título autonómico.
A saída do XXI Medio Maratón de Pontevedra está fixada para as 11:00 horas do domingo desde a ponte dos Tirantes. A meta, tras dúas voltas a un circuíto de pouco máis de 10 quilómetros, estará situada na pista de atletismo do Centro Galego de Tecnificación Deportiva.
Relacionadas:
-
O Medio Maratón de Pontevedra supérase na súa XXI edición
Por Diego Espiño & Diego Torrado |
-
Operativo de tráfico con motivo do Medio Maratón de Pontevedra
Por Redacción |
-
Pontevedra "respira atletismo" ante o seu XXI Medio Maratón
Por Diego Espiño |
-
O XXI Medio Maratón de Pontevedra supera xa o milleiro de inscritos
Por Redacción |
-
Inscrición aberta para o XXI Medio Maratón Cidade de Pontevedra
Por Redacción |