Pontevedra "respira atletismo" ante o seu XXI Medio Maratón
Por Diego Espiño
A cidade empeza a contaxiarse do "gran ambiente" que xera unha proba deportiva como o Medio Maratón de Pontevedra, que este domingo 16 de outubro vivirá a súa edición XXI.
Así o explicou a concelleira de Deportes, Anxos Riveiro, na presentación oficial dunha proba que reunirá "sobre 1.600 deportistas", explicou Pablo Díaz, director técnico da Sociedad Gimnástica.
O club atlético será o encargado tamén de inaugurar os actos previos á carreira coa quedada de recoñecemento do circuíto, prevista para as 20:00 horas do martes desde o Centro Galego de Tecnificación Deportiva.
O Medio Maratón volve ao seu tradicional percorrido, con dúas voltas a un circuíto de pouco máis de 10 quilómetros con saída ás 11:00 horas desde a ponte dos Tirantes e chegada na pista de atletismo do CGTD.
Ademais nesta ocasión a proba terá categoría de Campionato Galego da distancia, un premio para "unha cidade que respira atletismo", recoñeceu o presidente da Federación Galega, Isidoro Hornillos.
Por ese motivo, e para facilitar o inicio, habilitaranse tres caixóns de saída en función da marca acreditada por cada un dos atletas.
Relacionadas:
-
O Medio Maratón de Pontevedra supérase na súa XXI edición
Por Diego Espiño & Diego Torrado |
-
Operativo de tráfico con motivo do Medio Maratón de Pontevedra
Por Redacción |
-
Case 2.000 inscritos para un Medio Maratón de Pontevedra que volve ser de record
Por Redacción |
-
O XXI Medio Maratón de Pontevedra supera xa o milleiro de inscritos
Por Redacción |
-
Inscrición aberta para o XXI Medio Maratón Cidade de Pontevedra
Por Redacción |
-
O Medio Maratón de Pontevedra será Campionato Galego 24 anos despois
Por Redacción |