Derbi para o Ribadumia en Vilalonga, vence o Arosa no desconto e segue firme o Céltiga
Por Redacción
Primeiro derbi en categoría nacional para Villalonga e Ribadumia e vitoria visitante en San Pedro, nun partido no que os aurinegros tiraron de oficio para dominar no xogo e no marcador, pero terminaron sufrindo, con protestas locais nos últimos minutos.
Os de Sierra adiantáronse pronto (minuto 16) cun gol de Fran Fandiño, co que se chegou ao descanso. Na continuación, pouco antes de cumprirse a hora de partido Changui facía o segundo, que parecía sentenciar o resultado, pero Adrián Padín reducía distancias a falta de 17 minutos, dando emoción á recta final.
Con este resultado, os de Antonio métense de cheo na zona de perigo, mentres o Ribadumia asoma a cabeza aos postos de privilexio.
Consulta aquí o acta do partido.
Segue pisando forte o Arosa que sufriu para impoñerse na Lomba a un rival directo como o Alondras e fíxoo practicamente na última xogada do partido, para meterse en postos de play-off, quedando como único equipo que non coñece a derrota en Terceira División.
Os de Jorge Otero adiantáronse pronto no marcador por medio de Fran Matos (minuto 4), pero o cadro de Cangas empatou antes do descanso (minuto 36), nun remate de Pablo Couñago.
A pesar das oportunidades de que dispuxo, o conxunto arlequinado non foi capaz de marcar ata que, cando o empate parecía inevitable, no desconto Rivas facía o segundo, facendo estalar de alegría á afección arlequinada.
Consulta aquí o acta do partido.
Non levanta cabeza o Órdenes, que segue sen puntuar na presente tempada e caeu goleado en Vista Alegre por un Céltiga que mantén o paso firme no seu regreso a Terceira, metendo a cabeza nos postos de play-off.
Os da Illa gañaron con autoridade nun partido que tivo como protagonista ao árbitro Jesús López Fernández, deixando ao equipo local con nove xogadores, tras expulsar a Monroy e ao segundo adestrador por dobre amoestación e a Pablo Vidal con vermella directa, mostrando nada menos que 11 cartóns amarelos e tres vermellas.
O Céltiga lograba os seus tres goles na segunda parte. Abría o marcador por medio de Emilio, á volta de vestiarios. Machu facía o segundo e Diego sentenciaba no minuto 79, antes de que o colexiado completase o seu recital de cartóns.
Consulta aquí o acta do partido.
Relacionadas:
-
Changui permanece estable na UCI "consciente y hablando" tras deixar atrás un día en coma
Por Redacción |
-
Correctivo do Villalonga ao Céltiga, sorprendente tropezo do Arosa e triunfo do Ribadumia que frea ao Bouzas
Por Redacción |
-
A final autonómica para o Arosa que supera a un Pontevedra con pouco xogo e sen gol (0-1)
Por Ramiro Espiño & Diego Torrado |
-
Remontada do Arosa na Illa, golea o Ribadumia e o Villalonga cae en Abegondo
Por Redacción |
-
Segue firme o Céltiga; tamén gaña o Villalonga, mentres Arosa e Ribadumia empatan no derbi
Por Redacción |
-
O Arosa presenta candidatura en Abegondo, Ribadumia e Villalonga caen e Céltiga segue sen perder
Por Redacción |