A final galega da Copa Federación entre Pontevedra e Arosa, en Cambados
Por Redacción
O campo de fútbol de Burgáns, en Cambados, é o escenario elixido pola Federación Galega para a final da Fase Autonómica da Copa Federación, que disputarán Pontevedra e Arosa.
O partido xogarase o vindeiro mércores 12 de outubro ás 17:30 horas, aproveitando a festividade da xornada para tentar que acudan o maior número de afeccionados posibles.
Arosa e Pontevedra deron o visto e prace ao escenario do partido, segundo explica a Federación Galega, e acordaron o prezo das entradas.
O público xeral deberá abonar 8 euros de entrada, 4 euros os menores de 18 anos, mentres no caso dos socios de ambos os equipos o prezo redúcese a 5 euros para os adultos e a entrada será de balde para os menores de idade.
Ademais de lograr o pase á fase nacional da Copa RFEF, xunto ao resto de campións territoriais, o equipo que resulte vencedor recibirá o trofeo correspondente e unha recompensa monetaria de 3.005 euros.
Relacionadas:
-
A final autonómica para o Arosa que supera a un Pontevedra con pouco xogo e sen gol (0-1)
Por Ramiro Espiño & Diego Torrado |
-
Os penaltis clasifican ao Pontevedra para a final autonómica da Copa Federación (2-2)
Por Ramiro Espiño & Diego Torrado |
-
O Pontevedra segue adiante na Copa Federación ao vencer con autoridade ao Ribadumia (1-3)
Por Ramiro Espiño & Diego Torrado |