O balonmán pasea con orgullo o seu Mundial por Pontevedra
Por Diego Espiño
Con sensación de orgullo e felices pola ocasión, moitos pontevedreses puideron fotografarse coa Copa do Mundo de balonmán lograda recentemente pola Selección Española.
Ademais dos afeccionados, numerosas personalidades relacionadas con este deporte e ex-xogadores de diferentes etapas de Teucro e Cisne sumáronse á homenaxe na Praza da Peregrina. Nomes como Fernando Gago, Vilas, Chan, Fis, Edín Covelo, Neves Gamallo, Rafa Dasilva ou o presidente da Federación Española, Juan de Dios Román, acompañados polo alcalde Miguel Fernández Lores e o concelleiro de Deportes Agustín Fernández.
Antes da exposición da Copa na Peregrina, os xogadores das diferentes categorías de Cisne e Teucro puideron gozar do trofeo no Centro Galego de Tecnificación Deportiva e o Pavillón Municipal respectivamente.