O pontevedrés Óscar Graña e o arousán Ramón Ferro colgan a prata no Mundial de piragüismo maratón
Por Redacción
Do mesmo xeito que hai un ano, Óscar Graña e Ramón Ferro subiron ao podio do Campionato do Mundo de Piragüismo Maratón, esta vez ao segundo chanzo.
Graña e Ferro lograron a prata na localidade alemá de Brandemburgo na categoría de C-2, despois dunha dura e bonita loita cos grandes favoritos, os húngaros Marton Kover e Adam Docke.
A igualdade mantívose desde os instantes iniciais, cando ambos os barcos foron descolgando adversarios ata quedar sós, ata os últimos 250 metros, cando os pontevedreses non lograron seguir o ritmo tras o acelerón final e deixáronse ir para chegar a 33 segundos dos gañadores.
Óscar Graña e Ramón Ferro engaden así unha nova medalla ao seu amplo palmarés, sumando xa 11 metais mundialistas desde que 2004 inaugurasen a conta cun bronce en Noruega.
Ademais dos padexeiros do Kayak Tudense, tamén participaron no C-2 Tono Campos e José Manuel Sánchez, do Breogán do Grove, finalizando na quinta posición tras descolgarse dos líderes nos primeiros compases da regata.
Campos acusou o esforzo do sábado, cando conseguiu tamén a medalla de prata na canoa individual.
Relacionadas:
-
Tono Campos e Jenifer Casal, campións de España de piragüismo maratón
Por Alejandro Espiño |
-
A Copa de España de Medio Maratón no Lérez completa a intensa oferta deportiva da fin de semana
Por Redacción |
-
Óscar Graña e Ramón Ferro reflexionan sobre o seu futuro: "Ya son muchos años en la élite"
Por Redacción |
-
Tono Campos repite en Brandemburgo subcampionato do Mundo de piragüismo maratón
Por Redacción |
-
Os piragüistas pontevedreses, á conquista do Mundial de Maratón en Brandeburgo
Por Redacción |
-
Dobrete pontevedrés en C-2 para pechar un exitoso Campionato de Europa de Piragüismo Maratón
Por Diego Espiño & Diego Torrado |