Jean Marie Okutu, seleccionado para disputar o Europeo en Pista Cuberta
Por Redacción
Goteborg espera ao marinense Jean Marie Okutu, seleccionado polos técnicos da Federación Española para o Campionato de Europa de Pista Cuberta que se celebrará na cidade sueca os días 1, 2 e 3 de marzo.
O atleta, formado na Sociedad Gimnástica e agora nas filas do Fútbol Club Barcelona, proclamouse o pasado fin de semana campión de España en salto de lonxitude no Nacional baixo teito disputado en Sabadell. O seu salto de 7.79 quedou a só oito centímetros da mínima esixida pola Federación, pero os técnicos nacionais decidiron confiar nel incluíndoo na lista de 19 deportistas que competirán no Europeo.