"Problemas administrativos" obrigan a aprazar a Subida a Escusa
Por Diego Espiño
A XVII Subida a Escusa, unha das probas automobilísticas con máis tradición da xeografía galega, non se disputará na data prevista pola organización e pola Federación Galega de Automobilismo, os días 17 e 18 de setembro.
"Problemas administrativos" obrigaron á Escudería Buxa Motor Poio a tomar a decisión de aprazar a competición, incluída dentro do Campionato Galego de Montaña.
En concreto as forzas da orde recomendaron cambiar a data da Subida ao coincidir coa celebración doutra proba deportiva na provincia e "non pode haber dúas probas na mesma fin de semana" que requiran un importante despregamento de seguridade, sinalou a PontevedraViva a presidenta da escudería, Noemí Blas.
A proba terá lugar finalmente os días 29 e 30 de outubro
É o mesmo contratempo que obrigou o pasado ano a concentrar a carreira nunha sóla xornada, en lugar das dous habituais, polo paso da Volta a Galicia de ciclismo.
Tras diversas xestións Buxa Motor confirmou que a proba automobilística terá lugar os días 29 e 30 de outubro co mesmo programa de competición, é dicir, tres mangas oficiais o sábado e outras tres na xornada do domingo, aínda que os horarios poderían sufrir modificacións para adaptarse ás horas de luz.
Relacionadas:
-
Jesús Pombo leva unha vibrante Subida á Escusa
Por Redacción & Diego Torrado |
-
Emoción máxima na XVII Subida á Escusa
Por Redacción & Diego Torrado |
-
A Escusa, preparada para vibrar un ano máis coa súa subida automobilística
Por Redacción |
-
O cambio de data non desanima á organización da XVII Subida á Escusa
Por Diego Espiño |
-
Veciños de Sartal expresan o seu malestar cos que piden a suspensión da Subida á Escusa
Por Redacción |
-
Ponte Caldelas estrea subida automobilística
Por Diego Torrado |
-
Alexis Viéitez confirma o seu triunfo na XIX Subida Cidade de Pontevedra
Por Diego Espiño |