Marín fai oficial os premiados da Gala do Deporte 2012
Por Redacción
O Concello de Marín deu a coñecer os premiados de 2012 na recuperada Gala do Deporte, que se celebrará no salón de plenos do Concello o próximo venres día 22 de febreiro.
O atleta Víctor Riobó será distinguido como mellor deportista sénior masculino e a taekwondista Katia Calvar serao en categoría feminina, mentres o tamén taekwondista Pablo Fernández foi designado como deportista revelación masculino coa ciclista Irene Trabazo como revelación feminina.
No resto de apartados o Club de Remo Ría de Marín é o mellor club local de 2012, sendo o mellor evento do ano o Campionato de España de Baloncesto Cadete organizado polo CB Peixegalego Marín.
Por último, por decisión unánime, o xurado propuxo a Aarón González, do ABP Sport de Kick Boxing, para o premio á superación.