Támara Echegoyen queda sen medalla
Por Redacción
Chegaban como líderes á última xornada de competición na clase 49er Fx de vela, pero Támara Echegoyen e Berta Betanzos non conseguiron aguantar a súa posición de privilexio tras a definitiva Medal Race.
A clasificación estaba igualada ao máximo, coas brasileiras Martine Grale e Kahena Kunze e as danesas Jena Hanse e Katka Steen Salskov-Iversen empatadas a puntos na segunda e terceira posición e as neozelandesas Alex Maloney e Molly Meech na cuarta a un só punto.
A embarcación destas catro que finalizase por diante do resto levaba o ouro, e as mellores foron as brasileiras.
Támara e Berta empezaron xa con problemas, cun incidente coa tripulación británica que as atrasou na saída, e a pesar de que tentaron remontar e chegaron a situarse na cuarta praza a metade de regata, finalizaron sétimas, superadas por todas as súas rivais directas.
Un cruel final que deixa sen a recompensa de medalla á regatista pontevedresa, a que fose a súa segunda presea trala de Londres 2012, aínda que leva como recompensa un diploma olímpico que acredita o seu gran traballo durante toda a competición.
A clasificación final en Río de Janeiro deixou como campioas a Martine Grale e Kahena Kunze con 48 puntos. Segundas foron as neozelandesas Alex Maloney e Molly Meech (51 puntos), terceiras as danesas Jena Hanse e Katka Steen Salskov-Iversen (54) e cuarta foi a tripulación española con 60 puntos.
Relacionadas:
-
Río 2016 e as esperanzas rotas de Gómez Noya
Por Diego Espiño |
-
Homenaxe provincial aos deportistas olímpicos pontevedreses
Por Diego Espiño & Mónica Patxot |
-
Támara Echegoyen e Berta Betanzos recollen en Baiona o Premio Nacional de Vela
Por Redacción |
-
Támara Echegoyen e Berta Betanzos recibirán o Premio Nacional de Vela
Por Redacción |
-
Támara Echegoyen: "Dimos todo lo que pudimos y me voy a casa contenta"
Por Redacción |
-
Támara Echegoyen e Berta Betanzos chegan líderes á Medal Race
Por Redacción |
-
Támara Echegoyen e Berta Betanzos asaltan o liderado e apuntan ás medallas
Por Redacción |
-
Debut no Top-10 para Támara Echegoyen e Berta Betanzos
Por Redacción |