O Gran Mestre ruso Evgeny Vorobiov, vencedor do IV Torneo Internacional de xadrez
Por Redacción
Despois dunha semana de competición, o IV Torneo Internacional Cidade de Pontevedra de xadrez chegou ao seu fin na súa nova localización, o colexio Los Sauces.
O Gran Mestre ruso Evgeny Vorobiov proclamouse vencedor do torneo tras empatar con Jaime Santos na novena e última rolda, para sumar un total de cinco vitorias e catro empates que deixaron o seu marcador en 7 puntos.
Un mellor coeficiente que os seus rivais deulle o triunfo final, xa que tamén sumaron 7 puntos o ucraíno Maksimenko, o armenio Grygoryan, o indio Konguvel e o arxentino Hoffman.
No IV Torneo Internacional de xadrez participaron 159 xogadores de 17 países e repartíronse un total de 10.000 euros en premios, 1.500 deles para o primeiro clasificado.
O mellor galego da competición foi o Mestre Internacional Diego Espiñeira, do Club Xadrez Padrón, no posto 15, mentres David García Sobrino (25º) foi o mellor xogador do club local, a Escola Xadrez Pontevedra.
Relacionadas:
-
O Torneo Internacional da Escola Xadrez Pontevedra apunta alto na súa quinta edición
Por Diego Espiño |
-
O Gran Mestre Aleksa Strikovic leva o Memorial Ramón Escudeiro de xadrez
Por Redacción |
-
O Memorial Ramón Escudeiro Tilve de xadrez reduce días de competición pero mantén o seu carácter internacional
Por Diego Espiño |
-
En marcha o IV Torneo Internacional de Xadrez Cidade de Pontevedra
Por Redacción |
-
Paso á fronte do Torneo Internacional Cidade de Pontevedra de xadrez
Por Diego Espiño |