Soños de ACB no Campus Baloncesto Pontevedra
Por Cristina Saiz
A máxima competición do baloncesto nacional, a Liga ACB, achégase un ano máis aos xóvenes pontevedreses, esta vez da man do Campus Baloncesto Pontevedra.
Máis de medio cento de nenos, desde os 8 anos de idade, puideron gozar este luns dos consellos de Pepe Pozas, base do Obradoiro da Liga ACB.
O xogador mesturouse cos pequenos recoñecendo que "siempre me apetece venir a estos campus" xa que "me lo paso bien y los niños son muy agradecidos", sinalou.
"Lo que les vengo a decir es que por mi experiencia que vivan cada momento y que se lo pasen bien sin pensar qué pueden hacer en el futuro", explicou no medio dun dos adestramentos programados cos pequenos.
Ademais de Pepe Pozas este martes visitará o Campus Baloncesto Pontevedra outro xogador da máxima categoría como o ala-pívot Pierre Oriola, recente incorporación do Valencia Basket.
Tamén visitarán o campus Gonzalo Rodríguez, técnico axudante do Obradoiro, e Ana Martín, xogadora do primeiro equipo do Arxil.
O Campus Baloncesto Pontevedra iniciouse este domingo 31 de xullo e desenvolverase ata o 7 de agosto.
Relacionadas:
-
Alfonso Sánchez e Pierre Oriola serán os invitados do Campus Baloncesto Pontevedra 2017
Por Redacción |
-
Pierre Oriola, de xogador de moda na ACB a mestre no Campus Baloncesto Pontevedra
Por Cristina Saiz |
-
O Campus Baloncesto Pontevedra, un proxecto "de futuro"
Por Diego Espiño |
-
Pierre Oriola e Pepe Pozas, confirmacións ACB para o Campus de Baloncesto
Por Redacción |