Quenda para os elite no Europeo de Maratón
Por Diego Espiño & Mónica Patxot
Despois de dous días de competición Master, para grupos de idade desde os 35 ata máis de 70 anos (consulta aquí os resultados), chega a quenda dos elite no Campionato de Europa de Piragüismo Maratón.
A contorna da ponte dos Tirantes, co río Lérez de fondo, acolleu a cerimonia de inauguración do Europeo, que comeza oficialmente este xoves.
Ata 17 padexeiros galegos tomarán a saída ata o domingo nas diferentes probas, algúns deles como clara opción de medalla como Óscar Graña e Ramón Ferro, Tono Campos ou Raquel Rodríguez.
Pero primeiro será quenda o xoves da competición junior e sub-23. Ás 10:00 e 10:05 horas partirán as deportistas do C-1 e K-1 Junior Feminino, ás 12:00 darase a saída ao K-1 Sub-23 Feminino, ás 12:05 ao C-1 Junior Masculino e ás 14:15 horas ao K-1 Junior Masculino.
Unha instensa programación que reforza a idea de que "o piragüismo e Pontevedra son primos irmáns", tal e como sinalou na cerimonia inaugural o alcalde de Pontevedra, Miguel Anxo Fernández Lores, satisfeito co aspecto que loce a cidade diariamente grazas aos padexeiros que adestran no río e especialmente cunha competición desta categoría.
Xunto ao rexedor da capital atopábanse outras autoridades como a presidenta da Deputación, Carmela Silva, o secretario xeral para o deporte, José Ramón Lete, o presidente da Federación Española de Piragüismo, Juan José Román, e da Federación Europea, Albert Woods, que quixo agradecer a Pontevedra "a cálida acollida".
Relacionadas:
-
Lores, sobre o Mundial de Piragüismo Maratón: "Se non é no 2020 será no 21"
Por Diego Espiño |
-
Dobrete pontevedrés en C-2 para pechar un exitoso Campionato de Europa de Piragüismo Maratón
Por Diego Espiño & Diego Torrado |
-
Ouro continental para Tono Campos e bronce para Raquel Rodríguez nunha espléndida xornada de piragüismo
Por Diego Espiño & Diego Torrado |
-
Xornada sen medallas para os padexeiros locais no Europeo de maratón
Por Redacción |
-
Lara Outón estrea o medalleiro pontevedrés no Europeo de piragüismo maratón
Por Diego Espiño & Mónica Patxot |
-
Os deportistas Master enchen de cor o río Lérez na estrea do Europeo de Piragüismo Maratón
Por Mónica Patxot |
-
Como seguir e gozar o Campionato de Europa de Piragüismo Maratón
Por Diego Espiño |
-
O Europeo de piragüismo maratón comeza a despregarse na cidade
Por Alejandro Espiño |
-
Pontevedra empeza a vivir o Campionato de Europa de Piragüismo Maratón
Por Diego Espiño |