Martín Bouzas, do Froiz, proclámase campión de España contrarreloxo Sub-23
Por Redacción
Por só 19 centésimas e con 4 segundos de renda sobre o terceiro e 5 sobre o cuarto. Con esa escasa marxe Martín Bouzas conseguiu impoñerse nunha emocionante contrarreloxo Sub-23 dos Campionatos de España de Ciclismo na Estrada que se están disputando na localidade alacantina de Ibi.
O ciclista galego do Froiz, no seu primeiro ano na categoría, levou contra prognóstico o título de campión nacional, que a pasada campaña conseguira en idade junior.
Foron 18,9 quilómetros dunha crono que "se planteaba como bastante fácil y llana pero resultó ser bastante dura", asegurou o flamante campión á Federación Española de ciclismo.
O Campionato de España era o principal obxectivo da tempada para Martín Bouzas, que recoñeceu chegar "bastante bien de forma".
Segundo e medalla de prata foi o madrileño Gonzalo Serrano, que completou o último quilómetro cunha picada na roda, mentres terceiro foi o manchego Óscar González.
Relacionadas:
-
Martín Bouzas e Guillermo García, nomes destacados do Campionato Galego Contrarreloxo
Por Redacción |
-
Homenaxe provincial a Martín Bouzas, "la mayor promesa del ciclismo español"
Por Redacción |
-
As voltas a Ávila e Zamora, próximos obxectivos do Froiz
Por Redacción |
-
O equipo Trek do UCI Pro Tour pon os seus ollos no corredor do Froiz Martín Bouzas
Por Redacción |
-
Unha aparatosa caída de Miguel Gómez obriga o Froiz a despedirse do campionato de España
Por Redacción |
-
Corredores do Super Froiz plantan cara a ciclistas profesionais en Portugal
Por Redacción |
-
Dúas medallas para o GD Supermercados Froiz no Campionato Galego de Fondo
Por Redacción |