Tripla fichaxe no Pontevedra, que se fai cos servizos de Abel Suárez, Iker Alegre e Jacobo Trigo
Por Diego Espiño
Paso importante do Pontevedra na planificación do plantel tras pechar, de golpe, a incorporación de tres futbolistas para a súa liña medular.
Os granates fixéronse cos servizos de xogadores contrastados na categoría, como son Iker Alegre, Jacobo Trigo e Abel Suárez.
Alegre, futbolista asturiano de 30 anos, aterra en Pasarón procedente da Unión Deportiva Logroñés, do mesmo xeito que Jacobo Trigo. Iker levaba dúas tempadas na Rioxa, onde afacía xogar como extremo destro, aínda que tamén pode actuar como media punta. Antes coincidiu co que será o seu adestrador, Luisito, no Ourense (2013/2014), aínda que tamén pasou por equipos fortes da categoría de bronce como o Real Oviedo ou a Real Unión. No último ano o xogador asturiano anotou 7 goles nun total de 29 partidos de liga.
Jacobo Trigo pola súa banda é un mediocentro vigués, de 27 anos, que disputou no Logroñés 42 encontros esta campaña entre liga, play-off e Copa do Rei. Antes fogueouse na categoría de bronce en Zamora e Burgos.
Por último a dirección deportiva do Pontevedra confirmou a contratación de Abel Suárez, tamén mediocentro aínda que neste caso zurdo, de 25 anos, e que chega ao club granate procedente do ACS Poli Timisoara da Primeira División de Romanía. Trátase dun futbolista canario, formado na canteira do Club Deportivo Tenerife, con quen chegou a debutar en Segunda División a pesar de varias cesións en Segunda B antes do seu traspaso, o pasado mercado de inverno, ao equipo romanés, onde contou con poucas oportunidades.
Os tres fichaxes comprométense co club pontevedrés por unha tempada e non serán as últimas incorporacións do equipo, xa que os responsables da planificación deportiva céntranse agora en atopar os últimos reforzos, especialmente para a liña de ataque.
Relacionadas:
-
O Izarra, rival do Pontevedra, ameaza con retirarse se se mantén a repartición de Segunda B
Por Diego Espiño |
-
O Pontevedra líbrase dos estremeños e do Logroñés na repartición de grupos de Segunda B
Por Diego Espiño |
-
O gardameta Santi Canedo comprométese co Pontevedra
Por Diego Espiño |
-
Pendentes da repartición de grupos na Segunda B
Por Diego Espiño |
-
O Pontevedra confirma o regreso de Gonzalo
Por Redacción |
-
Álex González, reforzo para a banda esquerda do Pontevedra
Por Diego Espiño | Creada e actualizada
-
O Pontevedra reforza a súa zaga coa fichaxe do central Dani Portela
Por Alejandro Espiño |
-
Borjas Martín non seguirá no Pontevedra ao non aceptar a oferta de renovación do club
Por Alejandro Espiño |