Pierre Oriola e Pepe Pozas, confirmacións ACB para o Campus de Baloncesto
Por Redacción
O Campus de Perfeccionamento de Baloncesto de Pontevedra empeza a tomar forma na que será a súa terceira edición.
A iniciativa estará dirixida de novo por Cuco Rodríguez, actualmente membro do equipo técnico do Baloncesto Sevilla da Liga ACB, co obxectivo de que o adestramento e a diversión vaian da man.
O campus está enfocado a nenos e nenas entre os 8 e os 18 anos. Os máis pequenos, de 8 a 10 anos, estarán incluídos no 'peque campus', un programa de carácter máis lúdico. Pola súa banda de 11 a 14 anos formarase un grupo de carácter máis deportivo e ata os 18 anos o enfoque será o rendemento e a mellora individual.
Para conseguilo contarán de novo coa experiencia de xogadores e adestradores, algúns procedentes da máxima categoría nacional de baloncesto, a ACB.
Está confirmada xa a presenza de dous xogadores, como son Pierre Oriola, do Baloncesto Sevilla, e Pepe Pozas, do Obradoiro e que repetirá experiencia por segundo ano consecutivo.
A Cidade Infantil Príncipe Felipe será escenario do Campus Baloncesto Pontevedra entre os días 31 de xullo e 7 de agosto.
Relacionadas:
-
Pierre Oriola, de xogador de moda na ACB a mestre no Campus Baloncesto Pontevedra
Por Cristina Saiz |
-
Soños de ACB no Campus Baloncesto Pontevedra
Por Cristina Saiz |
-
O Campus Baloncesto Pontevedra, un proxecto "de futuro"
Por Diego Espiño |
-
Leccións de ACB na Cidade Infantil Príncipe Felipe
Por Diego Espiño |