Un gol no desconto priva da vitoria ao Arosa ante o Alondras (2-2)
Por Redacción
O Arosa suma un punto que soubo a pouco. Os de Piscis, que remontaron o gol visitante de Adrián, estiveron preto da vitoria, pero un gol do Alondras, conseguido tras un remate de cabeza que deu no meta arosista Jorge Pérez, no desconto, deixou sen premio ao equipo arlequinado.
Non foi un gran partido. Con escaso rítmo, seguramente debido ao pouco que se xogaban os dous equipos neste tramo final de liga. O Arosa comezou dominando pero acabou encaixando primeiro. Foi unha xogada pola banda dereita do Alondras, con centro ao primeiro pau e un cabezazo de Adrián, que adiantaba aos visitantes.
Pero non lle duraría moito a alegría ao Alondras xa que Fran Fandiño empataría o partido nada máis sacar de centro. Antes do descanso os dous equipos terían unha ocasión clara para desequilibrar o partido. Primeiro foi Adrián Camiño quen, a pase de Eloy, quedaba só ante Lorenzo. A rápida chegada dun defensa evitou o remate do capitán arlequinado. Acto seguido Jorge Pérez lucíase cunha gran parada nun disparo desde a frontal dun xogador visitante.
No segundo tempo, a primeira ocasión foi para o Alondras, e desde os once metros. Clara derriba de Óscar e Jorge Pérez detería o penalti lanzado por Mauro.
Por mor desa xogada mellorou o Arosa. Camiño tivo ao minuto unha boa ocasión nun disparo que atallaba Lorenzo. Cardeñosa tería a seguinte cun remate de cabeza que se foi alto, ata que no minuto 72, tras unha gran xogada de Fafú por banda, chegaría o 2-1 obra do xuvenil José Piñeiro.
Con todo, na única acción en ataque do Alondras na segunda parte, xa co tempo cumprido, significaría o empate, cando Jorge Pérez termina introducindo o balón na súa propia porta, tras un remate de cabeza dun dianteiro visitante.
Consulta aquí o acta do partido.
Relacionadas:
-
O Arosa pecha con empate fronte ao Racing Villalbés (1-1) unha discreta tempada
Por Redacción |
-
Remonta o Arosa en casa do pechacancelas Noia (1-2) nun partido discreto
Por Redacción |
-
O Arosa déixase remontar regresando sen puntos e con lesionados de Ribadeo (3-2)
Por Redacción |
-
O Arosa remonta na segunda metade e termina goleando ao Rápido de Bouzas (5-2)
Por Redacción |
-
O Boiro termina coas esperanzas do Arosa (1-2)
Por Redacción |