O Arosa remonta na segunda metade e termina goleando ao Rápido de Bouzas (5-2)
Por Redacción
Remontada do Arosa na Lomba para escalar un posto na táboa e colocarse na sétima praza, a oito puntos do play-off.
O cadro arlequinado arrincou con dúbidas o choque ante o Rápido de Bouzas, o que aproveitaron os vigueses para adiantarse cun gol de Marcos. Igualaron os de Piscis grazas Adrián Camiño e cando empezaban a suspera ao seu rival chegaría o 1-2.
Así marcharon ambos os equipos ao descanso, pero o panorama cambiou no segundo acto tras a expulsión de Cotilla no 66. Ata ese momento o Bouzas parecía controlar o duelo.
Só dous minutos despois Cabanyes facía o empate e en superioridade o Arosa desatouse en ataque para completar a goleada.
Primeiro foi Eloy no 77 e despois Cabanyes, nos últimos minutos, acertou en dúas ocasións máis para asinar o seu hat-trick.
Consulta aquí o acta do partido.