O Campionato de Europa de 49er, novo reto para Támara Echegoyen
Por Redacción
Barcelona acolle desde este luns 11 de abril o Campionato de Europa de 49er, e alí estarán as flamantes campioas do Mundo, Támara Echegoyen e Berta Betanzos.
Será unha competición de nivel que servirá como adestramento de calidade a Echegoyen e Betanzos a poucos meses dos Xogos Olímpicos, principal obxectivo do ano.
A regatista pontevedresa verase as caras con moitas das que serán os seus rivais en Río de Janeiro durante tres xornadas de probas clasificatorias e outras tres de series finais antes da Medal Race, prevista para o sábado.
Támara e Berta chegan á Cidade Condal recuperadas dos problemas físicos que lle impediron render ao 100% no Trofeo Princesa Sofía.
"O obxectivo neste Europeo para nós, sobre todo a tan poucos meses dos Xogos Olímpicos, é aproveitar cada manga e sacar o máximo proveito e rendemento a este campionato para seguir traballando e mellorando os nosos puntos débiles", recoñeceu Támara Echegoyen horas antes de iniciar o campionato.
Relacionadas:
-
Echegoyen e Betanzos asaltan o liderado do Campionato de Europa
Por Redacción |
-
Támara Echegoyen, a dous puntos do podio no Campionato de Europa
Por Redacción |
-
Cuarto posto final para Fernando Echávarri no Trofeo Princesa Sofía
Por Redacción |
-
Fernando Echávarri achégase ao podio e Echegoyen escala ata o Top-10 no Trofeo Princesa Sofía
Por Redacción |
-
Támara Echegoyen consegue o ouro mundial en Florida
Por Redacción |