O Loita Pontevedra triunfa na casa no Nacional Junior con medallas para Lydia Pérez e Carmen Salgado
Por Diego Torrado
Lydia Pérez Touriño cumpriu os prognósticos e proclamouse en Pontevedra campioa de España junior de loita, na súa categoría de 59 quilos.
A deportista do Club Loita Pontevedra protagonizou un torneo inmaculado vencendo nos seus tres combates, ante a canaria María Ramírez, a madrileña María Marcos e a navarra Miren Huarte, colgándose o ouro.
Non foi a única medalla pontevedresa, xa que Carmen Salgado, aínda en idade cadete, conseguiu o bronce despois de caer ante a que sería campioa na súa categoría, os 51 quilos.
Foron os resultados locais máis destacados dunha competición que congregou a preto de 400 deportistas no Pavillón Municipal dos Deportes nunha grande xornada deportiva.
Ademais do Campionato de España Junior nos catro tapices instalados no pavillón pontevedrés celebrouse o Nacional Escolar de loitas olímpicas.
Relacionadas:
-
Pontevedra postúlase como candidata a acoller en 2019 o Europeo Junior de Loitas Olímpicas
Por Diego Espiño |
-
Conceden a Pontevedra a organización do Campionato de España de Loitas Olímpicas
Por Diego Espiño |
-
Lydia Pérez, a por todas no campionato de Europa junior de loitas olímpicas
Por Redacción |
-
Lydia Pérez e Carmen Salgado, medallistas no Torneo Internacional Xóvenes Promesas de loita
Por Redacción |
-
O Nacional Junior e Escolar de Loitas Olímpicas reúne en Pontevedra a 400 deportistas
Por Diego Espiño |
-
Lydia Pérez apura as súas opcións para chegar a Río 2016
Por Redacción |