Portonovo e Ribadumia acusan a súa falta de acerto e empatan sen goles en Baltar
Por Redacción
Xusto repartición de puntos entre Portonovo e Ribadumia en Baltar (0-0) nun encontro moi disputado e intenso que decidiron as boas intervecións dos dous gardametas, Marcos e Juanjo.
O mal estado do terreo de xogo, afectado polas chuvias das últimas semanas, condicionou un partido que, a pesar do empate sen goles, contou con dous equipos que non renunciaron ao ataque en busca dos tres puntos.
O conxunto arlequinado distánciase a dous puntos dos postos de ascenso a Terceira División, unhas prazas que poderá asaltar o próximo fin de semana aproveitando o enfrontamento entre os dous primeiros clasificados, Sanxenxo e Cultural Areas.
PORTONOVO SD (0): Marcos, Caste, Marcos García, Muñiz, César, Víctor, Suso, Gándara (Angelillo, min. 79), Martín (Manu Sieiro, min. 71), Nacho, Álex Cubas.
RIBADUMIA CF (0): Juanjo, Marcos, Luis Alberto, Manu, Borja, Bisti, Berto (Changui, min. 57), Fernando, Manu Nieto, Chiño, Fran Castaño (Robert, min. 63).
Árbitro: Quintela Baluja (Santiago). Amonestou aos locais Marcos García, César, Víctor, Suso, Álex Cubas e Angelillo e aos visitantes Luis Alberto, Manu e Bisti.
Incidencias: Partido disputado no Campo de Baltar, Portonovo.