Pontevedra e Guijuelo, papeis cambiados unha volta despois
Por Diego Espiño
Creada e actualizada
Creada e actualizada
Será o terceiro enfrontamento esta tempada entre Pontevedra e Guijuelo, tras os xogados na primeira xornada de liga e na Copa do Rei, saldados ambos con triunfo salmantino pola mínima, pero as circunstancias que rodean ao choque do próximo domingo (17:00 horas) no Municipal de Guijuelo deron un envorco.
O cadro salmantino arrincou a tempada como un dos aspirantes para pelexar polos catro primeiros postos, e non só o demostrou en Pasarón (0-1), senón que conseguiu tres vitorias e un empate nas catro primeiras xornadas.
Sen embargo, o equipo adestrado por Rubén de la Barrera sufriu unha baixada de rendemento que lle fixo encadear catro derrotas consecutivas e distanciarse dos postos de privilexios. De feito, o Guijuelo chega á cita no posto 12 con 27 puntos tras perder sete do últimos nove partidos de liga.
No lado contrario o Pontevedra chega con máis moral que nunca á cita coa intención de vingar a eliminación copeira no Municipal de Guijuelo. Os de Luisito recuperáronse dun inicio de liga complicado para ascender ata os postos de play-off grazas a unha impresionante xeira na que encaixou unha soa derrota nos últimos doce encontros de liga. Ademais os granates non perden fóra de casa desde o mes de setembro.
Con todo Luisito non se fía dun rival que no seu campo mostra a súa mellor cara. O técnico de Teo encara a xornada coas ausencias coñecidas de Álex Fernández e Adrián Mouriño.
CARNERO E LLOVES CAEN DA CONVOCATORIA
Despois do último adestramento da semana e antes de partir rumbo a Guijuelo, Luisito fixo pública unha convocatoria na que a principal novidade é a ausencia de Pablo Carnero e de Lloves, tendo en conta que o gardameta ten un pé fóra do club.
No seu lugar viaxa Luís, ata agora porteiro do filial, nunha lista que completan: Edu, Anxo, Bruno, Miguel, Campillo, Capi, Tomás, Pedro, Jandrín, Queijeiro, Kevin, Jacobo, Adrián, Verdú e Borjas.
Relacionadas:
-
Contra vento e marea o Pontevedra gaña un partido de loita en Guijuelo (0-1)
Por Redacción |
-
Un Pontevedra sen actitude obrígase a remontar tras caer fronte a un Rápido de Bouzas superior (2-3)
Por Ramiro Espiño & Diego Torrado |
-
Incorporar un dianteiro, prioridade do Pontevedra no mercado invernal
Por Diego Espiño |
-
Un gris Pontevedra encoméndase a Edu para rabuñar un valioso punto en Burgos (1-1)
Por Redacción |