Case 6.000 inscritos para unha San Silvestre que volverá bater o seu record de participación
Por Diego Espiño
Un ano máis a San Silvestre pontevedresa confírmase como a máis importante de Galicia tras pechar o seu período de inscrición cun novo record de deportistas anotados.
En total foron 5.968 as persoas inscritas, 68 delas na categoría de macha nórdica e 57 na de patinaxe, unha cifra moi superior aos 4.439 corredores que retiraron dorsal o pasado ano.
A isto engádeselle que tradicionalmente o número de participantes aumenta con deportistas non inscritos formalmente, polo que se espera que a festa do deporte coa que os pontevedreses despiden o ano sexa máis multitudinaria que nunca.
Na súa XXXII edición a San Silvestre de Pontevedra celebrarase como é habitual o 31 de decembro, con saída ás 17:00 horas desde a Avenida Montero Ríos.
Tras pechar o prazo oficial de inscrición, este luns 28 de decembro iníciase a retirada de dorsais na Casa da Luz, podendo recollerse en horario de 10.30 a 13.30 horas e de 16.30 a 19.30 horas, salvo o primeiro día só con horario de tarde e o día da carreira, só de mañá. Os atletas chegados de fóra de Pontevedra poderán tamén recollelo na liña de saída o día 31 de 15.30 a 16.30 horas.
Ademais, aínda que a participación é gratuíta, a Sociedad Gimnástica solicita unha axuda dun euro para colaborar cos custos da organización, ao que se suma a recollida solidaria de alimentos en beneficio do Comedor Social de San Francisco.
Relacionadas:
-
Pontevedra bótase á rúa e converte a San Silvestre nun fenómeno de masas
Por Ramiro Espiño & Cristina Saiz |
-
Cortes puntuais de tráfico en Pontevedra pola carreira popular de San Silvestre
Por Redacción |
-
O terceiro Circuíto de Carreiras Populares 'coroa' aos seus campións: Víctor Riobó e Leticia Fernández
Por Alejandro Espiño |
-
A correr e divertirse no Fin de Ano coa 32 edición da carreira de San Silvestre
Por Alejandro Espiño |
-
Máis de 1.500 inscritos na San Silvestre e subindo
Por Redacción |
-
A San Silvestre pontevedresa quenta motores e prepárase para abrir inscricións
Por Diego Espiño |