Pontevedra solicita a organización do Campionato do Mundo 2020 de piragüismo maratón
Por Diego Espiño
O piragüismo é un "deporte estratéxico na cidade de Pontevedra". É o primeiro dos argumentos que o alcalde de Pontevedra esgrimiu para solicitar formalmente a organización do Campionato do Mundo de piragüismo maratón do ano 2020.
Así llo traslada Miguel Anxo Fernández Lores por carta ao presidente da Real Federación Española de Piragüismo, Román Mangas, ao que pide que presente a candidatura de Pontevedra ante a International Canoe Federation.
O rexedor da capital argumenta na misiva que a cidade conta cunhas "enormes posibilidades das zonas deportivas naturais" na contorna do Río Lérez e a Ría de Pontevedra, ademais de "as instalacións internacionais de piragüismo de augas tranquilas" en Pontillón do Castro ou as insfraestruturas de adestramento que achega o Centro Galego de Tecnificación Deportiva.
Ademais, como reforzo á candidatura, Pontevedra sinala a súa experiencia organizativa en grandes eventos internacionais relacionados co piragüismo como o Europeo en augas tranquilas de 2007 ou a Copa do Mundo de K4 Maratón en 2008, sen esquecer os campionatos de tríatlon ou o Mundial de Hockey a Patíns 2009.
A todo iso súmase que as augas do Río Lérez serán escenario en 2016 do Campionato de Europa de piragüismo maratón, mesma especialidade na que agora aspiran a organizar o Mundial, no que supón un paso máis na política de organización de grandes eventos, nesta ocasión nunha disciplina na que Galicia e a provincia de Pontevedra en particular son potencia internacional. Así o demostran as numerosas medallas logradas nos últimos anos polos padeeiros locais.
Relacionadas:
-
Pontevedra empeza a vivir o Campionato de Europa de Piragüismo Maratón
Por Diego Espiño |
-
VÍDEO.- O Campionato de Europa de Piragüismo Maratón de Pontevedra estrea anuncio promocional
Por Redacción |
-
Como "involucrar a toda a cidade" no Campionato de Europa de Piragüismo Maratón
Por Diego Espiño |
-
Unha regata "de nivel nacional" probará o circuíto do Campionato de Europa de Piragüismo Maratón
Por Diego Espiño |
-
Piragüismo, tríatlon, orientación... grandes eventos deportivos para o 2016
Por Diego Espiño |
-
Óscar Graña e Ramón Ferro, medalla de prata no Campionato do Mundo de Piragüismo Maratón de Gyor
Por Redacción | Creada e actualizada
-
Tono Campos, subcampión do Mundo de piragüismo maratón en Hungría
Por Redacción |
-
De Pontevedra a Eslovenia para tomar o relevo do Europeo de piragüismo maratón de 2016
Por Redacción |
-
Primeiros pasos na organización do Europeo de Piragüismo Maratón de 2016
Por Diego Espiño |