O Pontevedra repite resultado en Luanco (0-1) e avanza a oitavos de final na Copa Federación
Por Redacción
Os oitavos de final da Copa Federación esperan ao Pontevedra despois de que os granates superasen de novo ao Marino de Luanco, esta vez a domicilio.
Un solitario gol de Carnero aos 68 minutos de xogo botou por terra as opcións de remontada asturiana, xa que ata ese momento o equipo local mantíñase na eliminatoria.
Os xogadores menos habituais en liga responderon á oportunidade dada por Luisito, que dispuxo un once con Lloves, Miguel, Anxo, Pablo, Bruno, Kevin, Tubo, Pedro, Carnero, Tomás e Miki.
O global da eliminatoria foi de 2-0, tras a vitoria pola mínima de hai dúas semanas na ida disputada no Estadio Municipal de Pasarón.
'BOXING DAY' ANTE A CULTURAL
Superado o trámite copeiro, o Pontevedra pódese centrar xa no último partido ligueiro do ano, un duelo ao grande ante o segundo clasificado, a Cultural Leonesa (domingo, 17:00 horas).
Ante a importancia do choque e coa intención de que o Estadio Municipal de Pasarón presente o mellor aspecto posible, a directiva do club decidiu converter a xornada no seu particular 'boxing day' a imaxe e semellanza da liga inglesa.
Por ese motivo os menores de 14 anos poderán entrar ao estadio de balde.
Relacionadas:
-
Un Pontevedra sen actitude obrígase a remontar tras caer fronte a un Rápido de Bouzas superior (2-3)
Por Ramiro Espiño & Diego Torrado |
-
Contra a Cultural Leonesa e a pesar dunha arbitraxe nefasta, o Pontevedra (2-1) remonta e entusiasma
Por Ramiro Espiño & Diego Torrado |
-
O Pontevedra persegue ante a Cultural Leonesa despedir o ano en postos de play-off
Por Diego Espiño |
-
Rápido de Bouzas, rival do Pontevedra nos oitavos de final da Copa Federación
Por Redacción |
-
De estar na ruína para ser o novo rico do fútbol español, así é a Cultural Leonesa
Por Diego Espiño |
-
Esixente última semana de competición do ano para o Pontevedra
Por Diego Espiño |
-
Recital de cartóns e remontada do Pontevedra (1-3) ao Valladolid B nunha gran segunda parte
Por Redacción |
-
Pontevedra e Marino de Luanco aburren nunha gris noite copeira (1-0)
Por Ramiro Espiño & Diego Torrado |