Tropezo do Leis na casa e nova derrota do ADFS Bueu
Por Redacción
Segunda derrota consecutiva para un Leis Pontevedra que se desincha e cae á quinta praza de Segunda B con 23 puntos.
Os pontevedreses víronse sorprendidos no Municipal polo Pizarras Los Tres Cuñados (1-3) nun partido no que non estiveron ao seu nivel habitual.
A pesar diso os de Manu Cossió dominaron unha primeira metade na que o marcador non se moveu. Os goles chegarían tras o descanso, aos 25 minutos, por medio do visitante Corzo, que aproveitaba o que o Leis desperdiciou con claras ocasións pouco antes.
Tentaron reaccionar os locais, pero de novo tras un roubo de balón o que chegaría sería o tanto do seu rival, outra vez por medio de Corzo.
Recortaría distancias o Leis aos 35 minutos cun gol de Miguel que daba esperanzas, sacando entón Cossío o porteiro-xogador, aínda que o que chegaría sería o 1-3 definitivo aos 38 minutos.
O susto da xornada daríao Borja, lesionado tras unha dura entrada e que tivo que ser trasladado ao Hospital Domínguez, onde se lle diagnosticou unha forte escordadura de nocello.
No outro encontro da xornada, o ADFS Bueu encaixou unha nova derrota, esta vez na casa do Sala Ourense (4-1). Os de Javi Santos melloraron a súa imaxe ante un rival directo que tivo máis eficacia cara portería para levar os tres puntos.
Pese ao resultado, o choque comezou moi igualado e só na segunda metade o cadro local puxo terra polo medio. O ADFS Bueu, con este resultado, mantense como último clasificado con nove puntos.