A Unión Deportiva Logroñés mide a ambición do Pontevedra
Por Diego Espiño
Partido de altura o deste sábado (20:30 horas, TVG2) no Estadio Municipal de Pasarón entre Pontevedra Club de Fútbol e Unión Deportiva Logroñés.
Os granates miden o seu bo estado de forma ante un dos candidatos ao ascenso, un equipo rioxano que xa disputou o pasado ano o play-off e que da man de Carlos Pouso aspira a entrar por primeira vez na súa historia (naceu en 2009 a partir da estrutura do Club Deportivo Varea) no fútbol profesional.
Tras catro triunfos consecutivos, unha nova vitoria situaría ao Pontevedra nos postos de play-off, aínda que o principal obxectivo segue a ser asegurar canto antes a permanencia.
Así o mantén un Luisito que ante as declaracións do adestrador rival situando aos granates entre os candidatos aos primeiros postos reaccionou asegurando que "se xogamos o play off invítoo a cear onde queira e cando queira".
O preparador de Teo, que centra a súa atención en deter o poderoso contragolpe dos rioxanos, verase obrigado a cambiar o once inicial cinco partidos despois ante a baixa por sanción de Campillo, única asuencia dos locais.
Pola súa banda a Unión Deportiva Logroñés chega a Pasarón desde a súa terceira posición da táboa e con tres baixas por lesión, as dos defensores Edu Payá e Alejandro Santelices e o dianteiro Birane Ba.
O colexiado do encontro será o asturiano Carbajales Gómez.
Relacionadas:
-
Un erro defensivo e unha nefasta arbitraxe condenan o Pontevedra ante o Logroñés (0-1)
Por Ramiro Espiño & Diego Torrado |
-
Estrella Galicia asina un acordo de patrocinio co Pontevedra
Por Redacción |
-
O substituto de Campillo, principal dúbida do Pontevedra ante o Logroñés
Por Diego Espiño |
-
Desconto máxico para o Pontevedra que suma a cuarta consecutiva á conta da Arandina (2-3)
Por Redacción |