Espírito e experiencias olímpicas para as ximnastas do Club In Mare
Por Diego Torrado
O pavillón da Raña, en Marín, encheuse de soños olímpicos durante toda a fin de semana, o das ximnastas participantes na 'master class' organizada polo Club In Mare.
A ximnasta olímpica Carolina Rodríguez e a tamén internacional Sara Llana impartiron leccións ás novas promesas nas diferentes disciplinas da rítmica.
Ademais compartiron experiencias das súas citas internacionais e atenderon con agarimo ás participantes nas xornadas.
A 'master class' desenvolveuse durante dúas xornadas intensivas, sábado e domingo, que finalizaron cunha exhibición de Carolina e Sara, ximnastas que acumulan presenzas en copas e campionatos do Mundo.
Ambas pertencen ao Club Ritmo leonés, sendo Carolina Rodríguez na actualidade a máxima expoñente da ximnasta rítmica nacional. De feito certificou recentemente a súa clasificación para Río 2016.