Ratifican a composición dos grupos de Segunda B: o Pontevedra xogará contra os navarros
Por Alejandro Espiño
A pesar das protestas de varios equipos, fundamentalmente vascos e navarros, a asemblea da Real Federación Española de Fútbol (RFEF) ratificou este martes a composición dos grupos de Segunda División B para a próxima tempada que recentemente propuxera a comisión mixta.
O ente federativo non tivo en conta a reclamación destes equipos, que chegaron mesmo a ameazar con non competir na categoría se se mantiña a distribución proposta.
A composición definitiva do grupo I da Segunda B é a seguinte:
- Galicia (6): Pontevedra, Celta B, Racing de Ferrol, Somozas, Coruxo e Compstela.
- Castela e León (6): Burgos, Arandina, Astorga, Cultural Leonesa, Valladolid B e Guijuelo.
- La Rioja (1): Logroñés.
- Cantabria (1): Racing de Santander.
- Navarra (3): Pena Sport, Izarra e Tudelano.
- Asturias (2): Lealtad e Sporting B.
- Estremadura (1): Cacereño.
Os equipos vascos e navarros pedían xogar no mesmo grupo, ao entender que a distribución finalmente aprobada lles vai xerar numerosos prexuízos económicos pola distancia que deberán percorrer cada quince días para competir. A esta tese sumouse tamén o Pontevedra, en contra do criterio do resto de equipos galegos, que prefería xogar nun grupo con madrileños e o Mensajero canario.
ENTREGA DO TROFEO DE CAMPIÓNS
Ademais, durante a asemblea da RFEF o seu presidente, Anxo María Villar, fixo entrega ao Pontevedra CF do trofeo que o acredita como campións do grupo I da Terceira División a pasada tempada. Recolleuno a presidenta do club, Lupe Murillo.
Relacionadas:
-
Volta ao traballo con poucas caras novas e varias frontes sen pechar
Por Diego Espiño & Cristina Saiz | Creada e actualizada
-
O Pontevedra segue dando baixas e prescinde do adestrador de porteiros, Jaime García Formoso
Por Ramiro Espiño |
-
O Guijuelo, primeiro rival do Pontevedra no seu regreso á Segunda División B
Por Alejandro Espiño |
-
Fran Fandiño deixa o Pontevedra e marcha cedido ao Arosa
Por Ramiro Espiño |
-
Ás voltas coa composición do Grupo I da Segunda B
Por Redacción |
-
Feijóo homenaxea polo ascenso a un Pontevedra "que lle cae ben a todo o mundo"
Por Diego Espiño |
-
Luisito gaña a renovación e seguirá adestrando ao Pontevedra en Segunda B
Por Diego Espiño |