O Manzanares manchego, próximo rival do Pontevedra no play-off de ascenso
Por Redacción
Sen tempo case para dixerir a dolorosa derrota por penaltis ante o Mensajero, o Pontevedra ten xa rival no que centrarse no seu novo camiño cara ao ascenso, no que deberá superar dúas eliminatorias.
O sorteo celebrado na Cidade do Fútbol de Las Rozas emparellou o equipo granate co Manzanares Club de Fútbol, cuarto clasificado do Grupo 18, o castelán-manchego.
O Manzanares, club da localidade do mesmo nome situada a 50 quilómetros de Ciudad Real, chega á semifinal polo ascenso contra o Pontevedra despois de eliminar, tamén na quenda de penaltis, ao Lanzarote, nun cruzamento no que ningún dos equipos conseguiu perforar a meta rival, con senllos empates sen goles.
O primeiro dos partidos da eliminatoria disputarase na localidade manchega a próxima fin de semana e a volta no Estadio Municipal de Pasarón.
Pola súa banda o outro equipo galego no bombo, o Deportivo B, enfrontarase ao UD San Pedro malagueño, xogando o partido de volta na Coruña.
Relacionadas:
-
Un penalti inventado dá vantaxe ao Manzanares (1-0) ante un Pontevedra que perdoa pero merece máis
Por Ramiro Espiño |
-
Luisito analiza ao Manzanares: "É un rival moi físico que mete o 75% dos goles a balón parado"
Por Diego Espiño |
-
O Pontevedra denuncia o Mensajero por aliñación indebida pero a Federación desestima a reclamación
Por Ramiro Espiño | Creada e actualizada
-
Pablo Carnero e Adrián, entre algodóns
Por Diego Espiño |
-
Manzanares, un equipo modesto ilusionado coa súa segunda presenza no play-off
Por Diego Espiño |
-
Os penaltis dan o ascenso a un avaro Mensajero e mandan ao Pontevedra á repesca (1-0)
Por Ramiro Espiño & Diego Torrado |
-
Toca erguerse e seguir loitando. Quedan dúas eliminatorias
Por Diego Torrado |