Varios locais da cidade animarán a xornada do domingo na "Ruta do ascenso"
Por Redacción
As horas pasan e cada vez falta menos para que chegue o partido de volta entre Pontevedra e Mensajero, no que os granates buscarán remontar para certificar o ansiado ascenso a Segunda B.
Conforme se achega o día, a expectación crece na cidade, que horas antes do duelo xa respirará ambiente de fútbol polos catro costados.
Diso encargaranse iniciativas como a 'Ruta do ascenso' formulada por tres locais de hostalaría: Cafetaría Blossom, Cafetaría Pasaje e Pub Marylin.
Os tres son locais relacionados con coñecidos afeccionados granates, que animan o resto de seguidores a sumarse dende a mañá do domingo ao pre-partido polas rúas de Pontevedra coa confianza de que a festa se prolongue ata ben entrada a noite, o que supoñería que o equipo da cidade de Lérez terá conseguido o seu obxectivo, remontar o 1-0 co que regresou do choque de ida en La Palma.
Esta iniciativa únese á convocada polo colectivo Mocidade Granate, que acudirá a animar o equipo ao último adestramento do equipo, que se celebrará o sábado ás 10:30 en Pasarón, cita á que invita "a toda a afección granate".
Relacionadas:
-
Os penaltis dan o ascenso a un avaro Mensajero e mandan ao Pontevedra á repesca (1-0)
Por Ramiro Espiño & Diego Torrado |
-
Once anos despois a afección granate espera vivir en Pasarón outra tarde histórica
Por Ramiro Espiño |
-
As entradas para o Pontevedra-Mensajero, tamén no centro da cidade
Por Redacción |
-
Pedro García: "En el verde pondremos todo, pero el primer gol que lo meta nuestra afición"
Por Diego Espiño |
-
Continúa a bo ritmo a venda de entradas para o partido ante o Mensajero
Por Diego Espiño |