Continúa a bo ritmo a venda de entradas para o partido ante o Mensajero
Por Diego Espiño
O resultado adverso da ida na Palma non desanimou aos afeccionados do Pontevedra Club de Fútbol, que están a responder positivamente nos primeiros días de venda anticipada de entradas para o choque do próximo domingo (18:00 horas) no Estadio Municipal de Pasarón ante o Mensajero.
Dende a presentación dos prezos o pasado luns, o goteo de seguidores polas oficinas de Pasarón foi constante, a ritmo de "unas 1.000 entradas al día", segundo sinalan dende o club, entre suplementos de socios e entradas para público en xeral.
Esta situación, tendo en conta os días que aínda restan para o choque e que un bo número de seguidores esperará ao mesmo domingo, fan que a sensación sexa de que se producirá unha grande entrada en Pasarón.
As oficinas do estadio manteranse abertas ata o sábado de 11:00 a 14:00 horas e de 17:00 a 20:00, mentres o domingo os despachos abrirán de 11:00 a 14:00 e a partir das 15:30 horas.
CONFÍRMASE A LESIÓN DE BRUNO
Bruno di oficialmente adeus á tempada, despois de que a ecografía á que foi sometido este mércores confirmase o diagnóstico inicial, con respecto á lesión muscular que se produciu na Palma.
O defensa granate sofre unha rotura fibrilar no recto anterior do cuádriceps que o manterá afastado dos terreos de xogo durante un mes, polo que se une a Benja na lista de baixas coas que contará Luisito para confeccionar a convocatoria. O resto de futbolistas do primeiro plantel encóntranse en perfecto estado e a disposición do técnico.
Relacionadas:
-
Once anos despois a afección granate espera vivir en Pasarón outra tarde histórica
Por Ramiro Espiño |
-
Varios locais da cidade animarán a xornada do domingo na "Ruta do ascenso"
Por Redacción |
-
As entradas para o Pontevedra-Mensajero, tamén no centro da cidade
Por Redacción |
-
Pedro García: "En el verde pondremos todo, pero el primer gol que lo meta nuestra afición"
Por Diego Espiño |
-
Pontevedra e Deputación asinan o convenio de patrocinio para o presente ano
Por Diego Espiño |
-
Bruno, descartado para a volta ante o Mensajero ao sufrir unha lesión muscular
Por Diego Espiño |
-
O Pontevedra presenta os prezos para o partido ante o Mensajero esperando "que la ciudad responda"
Por Diego Espiño |
-
Toca remontar en Pasarón: O Pontevedra cae (1-0) ante o Mensajero ao ignorar o árbitro un claro penalti sobre Jorge
Por Ramiro Espiño | Creada e actualizada