Na busca de 100.000 euros para poder competir en Asobal
Por Diego Espiño
Sen tempo case nin para gozar coas celebracións polo ascenso, a directiva do Teucro continúa traballando na busca de apoios para poder competir na Liga Asobal.
O traballo iniciado hai dous meses intensifícase agora para "que antes de julio tener definidos los apoyos económicos que vamos a tener".
A previsión que manexa o club azul é que o capítulo de gastos se incremente en aproximadamente 100.000 euros por competir na máxima categoría, superando en 10.000 euros as estimacións iniciais, debido ao cánon que haberá que aboar a Asobal, as arbitraxes ou o custo da Seguridade Social, ademais de aumentar en 20.000 euros o diñeiro destinado á confección do plantel.
Por ese motivo, e coa idea de non comprometer a estabilidade económica que tanto custou recuperar, nos próximos días e semanas sucederanse os contactos e reunións con posibles patrocinadores.
"No se trata de cuantías extraordinarias, de un patrocinador de 100.000 euros, pero sí conseguir tres, cuatro o cinco empresas que nos apoyen", explica o presidente Carlos García-Alén.
O Teucro conta ademais cun incremento das axudas públicas de Concello, Deputación e Xunta co ascenso á máxima categoría, e espera "que los últimos apoyos, con 2.500 personas en la grada del Municipal", se traduza nun aumento da masa social.
Neste aspecto o dirixente azul confía en que se eleve considerablemente o número de socios de cara á próxima tempada, na que o vicedecano do balonmán nacional regresará á elite tras seis anos de ausencia.
Relacionadas:
-
O Teucro recibe o trofeo de campión da División de Honra Prata
Por Diego Espiño & Daniel Santomé |
-
O Teucro apostará pola continuidade no seu regreso a Asobal
Por Diego Espiño |
-
Meritorio empate en Alcobendas (25-25) dun Teucro que non cede nin co título no peto
Por Redacción |
-
O Teucro baixa á terra para afrontar un difícil desprazamento a Alcobendas
Por Diego Espiño |
-
A 'marea azul' inunda Pontevedra para festexar o regreso do Teucro á liga Asobal
Por Alejandro Espiño & Diego Torrado |
-
O Teucro é de Asobal! A derrota do Sinfín en Vigo dálle o ascenso matemático
Por Redacción |
-
Traballo de despacho no Teucro pensando no posible ascenso a Asobal
Por Diego Espiño |