Unha doenza cardíaca obriga a Bea Gómez a parar e pasar polo quirófano
Por Redacción
Unha anomalía cardíaca, detectada na recente concentración do equipo nacional en Tenerife, obrigará a Bea Gómez Cortés a pasar polo quirófano.
Segundo explica Juan Martínez en Faro de Vigo, a intervención cirúrxica formúlase para resolver un problema de carácter conxénito, localizado no tabique interauricular que divide a cámara superior do corazón en aurícula esquerda e dereita.
A nadadora olímpica pontevedresa encóntrase por este motivo en repouso dende mediados de abril e, a consello dos médicos da Federación Española de Natación, someterase a unha operación nos próximos días en Madrid.
Trátase en todo caso dunha intervención pouco invasora, polo que os plans da deportista e dos responsables técnicos da Federación pasan por que a mediados do mes de maio Bea poida reiniciar os adestramentos para chegar así en boas condicións ao principal obxectivo deportivo da tempada, o Campionato do Mundo de Kazán (Rusia), para o que a pontevedresa logrou a clasificación no último Open de España.
A detección desta anomalía cardíaca provocou que Bea Gómez fose baixa na Copa de España de Primeira División na que debía competir este fin de semana xunto ás súas compañeiras do Club Natación Galaico.
Relacionadas:
-
Bea Gómez volve aos adestramentos concentrándose co equipo nacional en Serra Nevada
Por Redacción |
-
O equipo feminino do Galaico acusa a baixa de Bea Gómez e descende a Segunda División
Por Redacción |
-
Bea Gómez, operada con éxito dunha anomalía cardíaca
Por Redacción |
-
Discreto peche de campionato para Bea Gómez no Nacional Open
Por Diego Espiño |
-
Terceira medalla no Nacional para Bea Gómez, que queda sen mínima nos 200 estilos
Por Diego Espiño |
-
Segunda prata e mínima mundialista para Bea Gómez nos 400 estilos do Nacional Open
Por Diego Espiño |
-
Medalla de prata e primeira mínima mundialista para Bea Gómez no Nacional Open
Por Diego Espiño |