O Pontevedra a manter a distancia cos seus perseguidores ante un necesitado Cultural Areas
Por Ramiro Espiño
Sete reforzos no mercado invernal para intentar saír dunha situación extrema que lle presenta como un claro candidato ao descenso de categoría. Intentando esgotar as súas opcións e alimentar as súas esperanzas de permanencia chega a Pasarón (domingo, 17:00 horas) un Cultural Areas que non consegue cambiar o seu rumbo, malia os cambios no seu equipo.
Os de Fonsi Valverde sumaron só 3 puntos dos últimos 21 posibles, froito dunha única vitoria (sobre As Pontes) e seis derrotas. A domicilio só foron capaces de vencer a Bergantiños e Bertamiráns, pero tamén sumaron puntos, froitos de senllos empates, en campos tan complicados como Abegondo, fronte ao Deportivo B, ou Vista Alegre, ante o ÿrdenes.
Estes datos precisamente son os que fan que Luisito non queira alegrías nin confianzas. O técnico de Teo sabe que o seu equipo é superior, pero para plasmar esa teórica superioridade no marcador debe empregarse a fondo dende o comezo, para evitar sorpresas desagradables e manter a distancia sobre os seus perseguidores.
O colexiado encargado de dirixir o encontro será ÿscar Carballo Vázquez (Lugo), auxiliado nas bandas por Sergio Manjón Villazala e César García Peñacoba.
Adrián, Capi e Pedro García son baixas nos granates, que recuperan a Campillo
Con Adrián, sancionado, e Capi e Pedro García, aínda lesionados, os granates recuperan a Campillo, que pode ser a opción utilizada por Luisito para substituír o capitán na banda dereita defensiva.
Os restantes 18 xogadores que integran o primeiro equipo están dispoñibles, despois de ser todos convocados por Luisito, como adoita facer nos partidos de Pasarón, polo que unha semana máis deberá descartar a dous deles instantes antes do partido. Falta por ver se neses descartes se produce algunha novidade, como podería ser a entrada entre os 16 de Fran Fandiño, co fin de poder darlle minutos, se a marcha do partido o permite, despois da longa lesión sufrida.
Relacionadas:
-
Cómoda vitoria do Pontevedra (3-0) fronte un Cultural Areas sen mordente
Por Ramiro Espiño & Diego Torrado |
-
Campillo, listo para reaparecer ante o Cultural Areas
Por Diego Espiño |
-
Edu Sousa, un seguro dende os once metros
Por Diego Espiño |
-
Anxo crea, Jorge resolve e Edu salva a vitoria do Pontevedra na súa visita ao Silva (1-2)
Por Ramiro Espiño & Diego Torrado |