Fallon Lewis segue en EEUU e convértese en seria dúbida para os primeiros partidos do ano
Por Diego Espiño
O Arxil encóntrase estes días pendente dos trámites legais que a súa xogadora Fallon Lewis debe realizar no seu país para poder volver a España.
Estes trámites, relacionados co seu visado, prolongáronse máis do que cría inicialmente no club verde, convertendo a Lewis en seria dúbida para a volta da competición, o próximo 10 de xaneiro a domicilio ante o Bizkaia.
A xogadora debe desprazarse dende Denver ata o consulado de San Francisco nunha viaxe de aproximadamente tres horas en avión para presentar os documentos requiridos polas autoridades estadounidenses.
Unha vez presentados, incluído o contrato de traballo co Arxil, o prazo de resolución pode estenderse ata un mes, aínda que a previsión é dunha semana.
Así o recoñecen dende o club verde, que intentou poñerse en contacto co consulado para poder axilizar este proceso e contar así canto antes cunha xogadora que se converteu en pouco tempo nun dos piares do equipo de Liga Feminina 2.
Relacionadas:
-
Inquietude no Arxil pola tardanza no regreso de Fallon Lewis
Por Diego Espiño |
-
Fallon Lewis non estará co Arxil no regreso da competición na Liga Feminina 2
Por Diego Espiño |
-
Dobre triunfo do Arxil ante o Olivais portugués no Cidade de Pontevedra
Por Redacción |
-
O Olivais portugués, rival do Arxil no XXI Torneo Ciudad de Pontevedra
Por Redacción |
-
O Arxil, pendente dos problemas de visado de Fallon Lewis no seu regreso aos adestramentos
Por Redacción |