Tres xogadores do Pontevedra Rugby Club, convocados pola selección española sub-18
Por Redacción
O staff técnico da Federación Española de Rugby volveu fixar os seus ollos no Pontevedra Rugby Club. Tres xogadores da súa canteira veñen de ser convocados para o campus de tecnificación da selección sub-18, que terá lugar entre os días 2 e 4 de xaneiro en Madrid. Trátase de Fikre Mendoza, Iago Tudela e Miguel Martínez.
Fikre Mendoza e xogador do Pontevedra Rugby Club dende o comezo do equipo. Pasou por todas as categorías inferiores e sempre destacou. ÿ un centro potente, intelixente e loitador, un mozo que rende sempre a un grande nivel. Xa xogara coa selección galega sub-16 sendo aínda sub-14 e non para de crecer coma xogador.
Iago Tudela xa non é unha sorpresa. Medio de mele do equipo pontevedrés, xa fora convocado coa selección española e agora debe loitar por facerse un oco entre os xogadores imprescindibles e disputar o campionato de Europa. ÿ un mozo potente e intelixente que ten aprendido a botar o equipo ao lombo, erguéndose sempre cando o equipo perde a orde.
Pola súa banda, Miguel Martínez enrolouse este ano no equipo. O ferrolán escolleu o club de Pontevedra fronte a outras opcións coa intención de gozar do bo facer da súa base. ÿ un pilier moi forte que tamén está dotado de velocidade e contrapé, unha dor de cabeza para calquera defensa. Mantendo a intensidade os 80 minutos, os que o coñecen aseguran que Galicia ten un pilier de garantías para moitos anos.
Os tres xogadores estarán ás ordes de "Tiki" Inchausti, adestrador da selección española de rugby 7 e Santiago Santos, seleccionador absoluto español. Serán tres días de intenso traballo no plano individual e colectivo, nas necesidades de formación persoal e dos propios clubs ao longo dos 365 días do ano. O obxectivo dos tres é comezar a gañarse un posto nas próximas convocatorias.
Relacionadas:
-
Derrotas de Mareantes e Pontevedra Rugby Club antes dun derbi que se converte nunha auténtica final
Por Redacción |
-
Un torneo de iniciación e unha homenaxe a José Manuel Gándara despiden o ano para o Mareantes
Por Redacción |
-
Derrotas de Pontevedra Rugby Club e Mareantes na última xornada do ano
Por Redacción |